لبنان کے دارالحکومت بیروت میں کئی ماہ سے احتجاج اور مظاہرے جاری ہیں۔ اس دوران پولیس اور مظاہرین کے درمیان چھڑپیں ہوتی رہی ہیں۔ تازہ جھڑپوں میں 450 افراد زخمی ہوچکے ہیں۔
لبنان میں حکومت مخالف احتجاج جاری
1
اکتوبر 2019 سے جاری احتجاج کی ملکی تاریخ میں کوئی مثال نہیں ملتی۔ مظاہروں میں تمام مذاہب سے تعلق رکھنے والے شہری شریک ہو رہے ہیں۔
2
مظاہرین بارش کے باوجود بیروت کے مرکزی حصے میں جمع ہوئے جہاں پولیس نے رکاوٹیں کھڑی کر کے پارلیمنٹ کی طرف جانے والے راستوں کو بند کر دیا تھا۔
3
مظاہرین کو آگے بڑھنے سے روکنے کے لیے بڑی تعداد میں سیکیورٹی اہل کار تعینات تھے۔ اس کے باوجود مظاہرین نے پولیس کی جانب سے کھڑی رکاوٹوں کو ہٹانے کی کوشش کی۔
4
پولیس نے مظاہرین پر قابو پانے کے لیے واٹر گن کا استعمال کیا ۔ ربڑ کی گولیاں بھی چلائی گئیں اور آنسو گیس کے شیل فائر کیے۔