پاکستان کے صوبے پنجاب کے دارالحکومت لاہور کے تاریخی اندرون علاقے بھاٹی گیٹ میں ایک دکان ایسی بھی ہے جہاں نوادرات فروخت کیے جاتے ہیں۔ اس دکان میں موجود تاریخی نوادرات کی قیمتیں کیا ہیں اور اس دکان کے مالک نور محمد یہ نوادرات کہاں سے حاصل کرتے ہیں۔ جانتے ہیں اس فوٹو گیلری میں۔
تاریخی نوادرات فروخت کرنے والی انوکھی دکان
1
اندرون لاہور کے علاقے بھاٹی گیٹ کے بازارِ حکیماں میں فقیر خانہ میوزیم سے متصل یہ دکان گزشتہ 45 برسوں سے قائم ہے۔
2
دکان کے مالک نور محمد کے مطابق وہ نوادرات اندرون شہر کے مختلف علاقوں میں جا کر دیکھتے ہیں اور اگر سودا بن جائے، تو خرید لیتے ہیں۔
3
لاہور سمیت دیگر شہروں سے بھی نوادرات کے قدر دان خریداری کرنے یہاں آتے ہیں۔
4
اس انوکھی دکان میں ویسے تو سیکڑوں نوادرات پڑے ہیں۔ تاہم دکان کے مالک نور محمد کے مطابق زیادہ تر لوگوں کی دلچسپی تاریخی مورتیوں اور پینٹنگز میں ہوتی ہیں۔
