رسائی کے لنکس

logo-print

نو فلائی زون پر بات چیت کے لیے عرب وزرائے خارجہ کی ملاقات


نو فلائی زون پر بات چیت کے لیے عرب وزرائے خارجہ کی ملاقات

عرب ممالک کے وزرائے خارجہ ہفتے کو مصر میں ملاقات کررہے ہیں جس میں لیبیا پر ممکنہ نو فلائی زون نافذ کرکے باغیوں کے خلاف کارروائیوں کو ختم کرنے کے لیے معمر قذافی پر دباؤ ڈالنے سے متعلق بات چیت ہوگی۔

عرب لیگ کے اعلیٰ عہدیداروں نے کہا ہے کہ مسٹر قذافی کی فوجوں کی طرف سے حزب مخالف پر حملوں میں شدت کے بعد لیبیا کے نمائندوں کو اجلاس میں مدعو نہیں کیا گیا۔

امریکی صدر براک اوباما نے ایک روز قبل کہا تھا کہ معمر قذافی کی طرف سے حکومت کے مخالفین پر کی جانے والی کارروائیوں کے جواب کے لیے انھوں نے کسی بھی آپشن کو پس انداز نہیں کیا ہے۔

یورپی یونین کے رہنماؤں کے جمعہ کو ہونے والے اجلاس میں بھی کہا گیا تھا کہ لیبیا میں حزب مخالف کی نیشنل کونسل ایک قانونی سیاسی ادارہ ہے۔تاہم 27ملکی تنظیم نے اس ادارے کو وہ مکمل سفارتی درجہ نہیں دیا جو فرانس نے دے رکھا ہے۔

ریڈ کریسنٹ کی بین الاقوامی تنظیم کا کہنا ہے کہ لیبیا میں خانہ جنگی کی سی صورتحال ہے۔ اقوام متحدہ کے مطابق ان لڑائیوں میں ایک ہزار سے زائد لوگ ہلاک جب کہ اڑھائی لاکھ سے زائد ملک چھوڑنے پر مجبور ہوئے ہیں۔

XS
SM
MD
LG