رسائی کے لنکس

logo-print

ارفع کے نام کا یادگاری ٹکٹ جاری کرنے کی منظوری


ارفع کے نام کا یادگاری ٹکٹ جاری کرنے کی منظوری

وزیراعظم یوسف رضا گیلانی نے دنیا کی کم عمر ترین پاکستانی مائیکرو سافٹ سرٹیفائیڈ پروفیشنل کا اعزاز حاصل کرنے والی ارفع کریم رندھاوا کے نام پر ایک یادگاری ڈاک ٹکٹ جاری کرنے کی منظوری دی ہے۔

16 سالہ ارفع کریم 14 جنوری کو لاہور کے ایک اسپتال میں انتقال کر گئی تھیں۔ اس ہونہار پاکستانی طالبہ نے 2004ء میں نو سال کی عمر میں دنیا کی کم عمر ترین مائیکرو سافٹ سرٹیفائیڈ پروفشنل بننے کا اعزاز حاصل کیا تھا۔ جس کے بعد مائیکرو سافٹ کے مالک بل گیٹس سے انھیں امریکہ بھی مدعو کیا تھا۔


22 دسمبر کومرگی کا دورہ پڑنے کے بعد ارفع کو لاہور کے ایک اسپتال میں داخل کرا دیا گیا۔ ڈاکٹروں کے مطابق دل اور دماغ متاثر ہونے کے بعد ارفع کومہ میں چلی گئی تھیں اور تقریباً تین ہفتے تک زندگی اور موت کی کشمکش میں مبتلا رہنے کے بعد 14 جنوری کو انتقال کر گئیں۔

XS
SM
MD
LG