آرمینیا کے زیرِ اثر متنازع علاقے ناگورنو کاراباخ کے تین اضلاع آذربائیجان کے پاس آنے کی خوشی میں جمعرات کو دارالحکومت باکو میں فوجی پریڈ کی گئی اور 'فتح کا جشن' منایا گیا۔ پریڈ میں شریک عوام کی بڑی تعداد نے آذربائیجان کی فوج کی کارکردگی کو داد تحسین دی۔ اس تقریب میں ترک صدر رجب طیب ایردوان نے بھی شرکت کی۔
ناگورنو کاراباخ تنازع: آذربائیجان کی 'فتح' کا جشن
1
روس کی معاونت سے آرمینیا اور آذربائیجان نے گزشتہ ماہ جنگ بندی کا معاہدہ کیا تھا۔ اس معاہدے کے تحت ناگورنو کاراباخ کے تین اضلاع اغدم، لاچن اور کالباجار آذربائیجان کے پاس چلے گئے ہیں۔ شہری قبضے میں لی گئی آرمینیا کی فوجی گاڑیاں دیکھ رہے ہیں۔
2
فتح کے اس جشن کے لیے جمعرات کو خصوصی تقریب دارالحکومت باکو میں ہوئی جہاں آرمینیائی فوج کے خلاف لڑائی میں استعمال ہونے والا بغیر پائلٹ لڑاکا طیارہ بھی نمائش کے لیے پیش کیا گیا۔
3
آذربائیجان کے شہری اپنا قومی پرچم تھامے سڑکوں پر آئے اور جشن منایا۔
4
دارالحکومت باکو میں فوجی پریڈ دیکھنے کے لیے عوام کی بڑی تعداد شریک ہوئی۔ اس موقع پر ترکی کے پرچم بھی لہرائے گئے۔