رسائی کے لنکس

logo-print

بحرین کی کریڈٹ ریٹنگ میں کمی


بحرین کی کریڈٹ ریٹنگ میں کمی

عالمی سطح پر ممالک کی کریڈٹ ریٹنگ کے ادارے موڈی نے بحرین میں جاری سیاسی بے چینی کے قومی پیداوار پر ممکنہ اثرات کے پیش نظر جمعرات کے روز اس کی کریڈٹ ریٹنگ میں کمی کردی ہے۔

بحرین نے خلیج تعاون کونسل اور سعودی عرب کی فوجی مدد کے ساتھ حزب اختلاف کے شیعہ راہنماؤں کی جانب سے شروع کی جانے والی تحریک کو دبانے میں کچھ کامیابی حاصل کی ہے۔

ادارے کے کہناہے کہ ملک میں سیاسی بے چینی سے معاشی ترقی کو نقصان پہنچا ، اوراس سےسیاحت ، تجارت اور مالیاتی خدمات کے شعبے بطور خاص متاثر ہوئے۔

موڈی کی رپورٹ میں کہا گیا ہے کہ ریاست میں اب بھی شدید کشیدگی موجود ہے اور سیاسی مسائل کے حل کا امکان بظاہر کم دکھائی دے رہاہے۔

موڈی نے بحرین کی کریڈٹ ریٹنگ اے تھری سے گھٹ کر ٹرپل بی ون کردی ہے جس سے ریاستی بانڈ سرمایہ کاری کے لحاظ سے تیسری کم ترین سطح پر چلا گیا ہے۔

عالمی ادارے نے کہاہے کہ اگر حالات میں کوئی مثبت تبدیلی نہ آئی تو ریٹنگ مزید کم کی جاسکتی ہے۔

XS
SM
MD
LG