قاہرہ میں کوپٹک آتھوڈکس ( قطبی مسیحی)گرجا گھر کی عمارت میں اتوار کے روز دھماکے سے کم از کم 25ا فراد ہلاک اور 50 کے لگ بھگ زخمی ہوگئے۔
مصر کے سرکاری خبررساں ادارے مینا کی ایک رپورٹ میں بتایا گیا ہے کہ ایک حملہ آور نے قاہرہ کے عباسیہ ڈسٹرکٹ میں واقع سینٹ مارک گرجا گھر پر بم پھینکا۔
کسی نے اس حملے کی ذمہ داری قبول کرنے کا دعوی نہیں کیا۔
وائس آف امریکہ کے رپورٹر نے قاہرہ سے اپنی رپورٹ میں بتایا ہے کہ یہ حملہ صبح دس بجے کی سروس کے دوران ہواجس میں عورتوں کی ایک بڑی تعداد موجود تھی۔
سوشل میڈیا پر پوسٹ کی جانے والی ایک ویڈیو میں دکھایا گیا ہے گرجاگھر کے ملبے میں خون بکھرا ہو ا ہے۔
مصر کے صدر عبدالفتح السیسی نے دھماکے کے بعد تین دن کے سوگ کا اعلان کیا ہے۔
دھماکے بعد تقریباً 500 مظاہرین نے دھماکے کی جگہ پر اکھٹے ہوکر احتجاج کیا اور حکوت کے خلاف نعرے لگاتے ہوئے صدر کے استعفی کا مطالبہ کیا۔
