رسائی کے لنکس

logo-print

برما میں زلزلے سے 75 سے زائد افراد ہلاک


برما میں زلزلے سے 75 سے زائد افراد ہلاک

برما میں حکام نے بتایا ہے کہ زلزلے کے باعث ہونے والی ہلاکتوں کی تعداد 75 سے تجاوز کر گئی ہے جب کہ زخمی ہونے والوں کی تعداد 111 ہے۔

حکام نے کہا کہ جمعرات کو آنے والے 6.8 شدت کے زلزلے کی وجہ سے شمال مشرقی برما میں سینکڑوں عمارتیں تباہ ہو گئی ہیں جن میں خانقاہیں بھی شامل ہیں۔

اس زلزلے کا مرکز تھائی لینڈ کے شہر چائنگ رائے (Chaing Rai) سے تقریباً 90 کلو میٹر شمال میں تھا۔ امریکی ماہرین کے مطابق زلزلہ سطح زمین سے صرف 10 کلومیٹر کی گہرائی میں آیا۔

تھائی لینڈ میں زلزلے کے باعث معمولی نقصان ہوا ہے تاہم ایک گھر کی دیوار گرنے سے ایک خاتون ہلاک ہو گئی۔

XS
SM
MD
LG