فرانس کے شہر کان میں فلمی دنیا کا سب سے بڑا میلہ 'کان فلم فیسٹیول' سج گیا ہے۔ 76ویں فلم فیسٹیول کا آغاز 16 مئی سے ہوا ہے جو 27 مئی تک جاری رہے گا۔ فیسٹیول میں فلموں کی نمائش، پریس کانفرنسز اور لیٹ نائٹ پارٹیز ہوں گی۔ کان فلم فیسٹیول کی اوپننگ اداکار جانی ڈیپ کی فلم 'جین ڈی باری' سے ہوئی جب کہ فیسٹیول کی کلوزنگ اینی میٹڈ فلم 'ایلیمینٹل' سے ہو گی۔ کان کے اعلیٰ ترین ایوارڈ 'پام دور' کے لیے 21 فلموں کے درمیان مقابلہ ہے۔