چین میں کرونا وائرس سے ہلاکتوں کی تعداد میں اضافہ ہوتا جا رہا ہے۔ اب تک 15 سے زائد افراد ہلاک ہوچکے ہیں جب کہ 600 نئے کیسز سامنے آ چکے ہیں۔ وائرس سے بچاؤ کے لیے تقریبا ہر شخص نے ماسک پہن لیا ہے جب کہ حکومت کی جانب سے سخت احتیاطی تدابیر اختیار کرنے پر زور دیا جا رہا ہے۔
چین: کرونا وائرس سے بچاؤ کے لیے ماسک لازمی قرار
1
کرونا وائرس چین سے کئی ممالک منتقل ہوا ہے جس کی روک تھام کے لیے احتیاطی اقدامات سخت کیے گئے ہیں۔ دوسرے ممالک سفر کرنے والوں کو بھی ماسک پہننے کی ہدایات جاری کی گئی ہیں۔
2
چین کی حکومت نے 'کرونا' سے متاثر وسطی شہر ووہان جانے والی ٹرینوں پر پابندی لگا دی۔ طیاروں کو بھی ووہان جانے سے روک دیا ہے۔ حکام نے عوامی بس اور سب ویز سروسز بھی معطل کر دی ہیں۔
3
چین میں ایک سے دوسرے شہر فضائی سفر کرنے والے مسافروں کی اسکریننگ بھی لازمی قرار دے دی گئی ہے۔
4
بھارت کے ہوائی اڈوں پر چین سے آنے والے مسافروں کی اسکریننگ کے لیے تھرمو گرافک کیمرے استعمال کیے جا رہے ہیں۔