رسائی کے لنکس

logo-print

کلنٹن کا امریکہ چین تعلقات میں بہتری لانےپر زور


وہ اتوارکوبیجنگ پہنچ رہی ہیں جہاں معیشت اورجنوبی کوریا کے جنگی جہاز ڈوبنے کےمعاملے پر بات چیت متوقع ہے

امریکی وزیر خارجہ ہلری کلنٹن نےاپنے چار روزہ دورہٴ چین کا آغاز کر دیا ہےجِس میں اُنھوں نےدونوں ملکوں کےمابین تعلقات میں بہتری لانے پر زور دیا۔

ہفتے کو شنگھائی کی عالمی نمائش میں آمد کے موقع پر لوگوں کے ہجوم نے کلنٹن کا گرمجوشی سےخیرمقدم کیا ، جہاں اُنھوں نے چینی اسکول کے بچوں کو ‘ٹیڈی ’ بھالو کا تحفہ پیش کیا۔

اُنھوں نے کہا کہ امریکہ اور چین سارے معاملات پر متفق نہ بھی ہوں ، لیکن دونوں ملکوں کو شنگھائی ایکسپو جیسے مواقع کا فائدہ اٹھاتے ہوئے زیادہ سمجھ بوجھ پیدا کرنی چاہیئے۔

مذاکرات کے لیے کلنٹن اتوار کو بیجنگ پہنچ رہی ہیں جہاں معیشت اور جنوبی کوریا کے جنگی جہاز ڈوبنے کے معاملے پر بات چیت متوقع ہے۔

جمعے کو ٹوکیو میں ایک مشترکہ اخباری کانفرنس میں جہاز ڈوبنے کے معاملے پر کلنٹن نے شمالی کوریا کی مذمت کی اور متنبہ کیا کہ اشتعال انگیز اقدامات کے نتائج سنگین نکلتے ہیں۔

شمالی کوریا نے اِس واقع پر اپنی ذمے داری کو مسترد کیا ہے، اور کسی جوابی کارروائی کی صورت میں مکمل جنگ کی بات کی۔

XS
SM
MD
LG