کیا ووہان میں کرونا کے سارے مریض واقعی صحت یاب ہو گئے؟
چین کے شہر ووہان کے اسپتالوں میں کرونا وائرس کا کوئی مریض موجود نہ ہونے کے حکومتی اعلان کے بعد بعض شہریوں نے حکومتی دعووں پر شکوک و شبہات کا اظہار کیا ہے۔
ووہان سے تعلق رکھنے والے ایک شہری نے سوشل میڈیا میسیجنگ سروس کے ذریعے وائس آف امریکہ کو حکومتی اعلان پر اپنے تحفظات سے متعلق بتایا۔
شہری مسٹر ینگ (تحفظ کے پیشِ نظر فرضی نام) نے بتایا کہ "درست معلومات تک رسائی جو چین کے شہریوں کے لیے ایک بڑا مسئلہ ہے۔ اس تناظر میں مجھے یقین ہے کہ یہ حکومت کا سیاسی ڈرامہ ہے۔"
اُن کے بقول حکومت نے یہ بھی کہا ہے کہ صحت یاب مریضوں کا ٹیسٹ اگر دوبارہ مثبت آ جائے تو اُنہیں علاج کی ضرورت نہیں۔
مسٹر ینگ نے بتایا کہ یہ محض ایک سیاسی ڈرامہ ہے۔ کیوں کہ چین میں فیکٹریاں بند ہونے سے حکمراں جماعت کی ساکھ پر منفی اثر پڑا ہے۔ لہذٰا وہ ایسے اعلانات کر کے شہریوں کو گمراہ کر رہے ہیں۔
چین کے قومی ہیلتھ کمیشن کے عہدے دار جیان یاہوئی نے گزشتہ ہفتے ایک بیان میں کہا تھا کہ ووہان میں کرونا کے مریضوں کی تعداد صرف 47 ہے جن میں سے 30 میں وبا کی کوئی علامات نہیں ہیں۔ لیکن پھر بھی اُن کے ٹیسٹ مثبت آ رہے ہیں۔ لہذٰا اُنہیں علاج کی ضرورت نہیں۔
مزید پڑھیے
اٹلی سے نیوزی لینڈ تک لاک ڈاؤن میں نرمی
دنیا کے کئی ممالک نے ہفتوں سے جاری لاک ڈاؤن میں نرمی کا اعلان کیا ہے۔ اٹلی سے نیوزی لینڈ تک متعدد ملکوں میں پیر کو لاک ڈاؤن میں نرمی کا پہلا دن تھا۔ تمام ممالک میں معاملات بحال ہوتے نظر آئے جب کہ ایک مرتبہ پھر بازاروں اور شاہراؤں پر چہل پہل نظر آنا شروع ہوئی۔
اٹلی سے نیوزی لینڈ تک لاک ڈاؤن میں نرمی
کراچی: سڑکوں پر افطار کی رونقیں ماند پڑ گئیں
کراچی میں رواں برس رمضان کی رونقیں ماند پڑ گئی ہیں۔ کرونا وائرس کے باعث شہر میں لاک ڈاؤن ہے اور صوبائی حکومت کی جانب سے کاروبار بند رکھنے کی بھی ہدایت۔ جس کی وجہ سے سڑک کنارے افطار کا اہتمام دکھائی نہیں دے رہا۔ ان اقدامات پر شہری کیا کہتے ہیں؟ دیکھیے سدرہ ڈار کی اس ڈیجیٹل رپورٹ میں۔
کرونا وائرس: صدر ٹرمپ کا چین پر ہرجانے اور 'سنجیدہ تحقیقات' پر غور
امریکہ کے صدر ڈونلڈ ٹرمپ نے کرونا وائرس کے پھیلاؤ اور اس کے نتیجے میں نقصانات کے باعث چین کے خلاف تحقیقات اور ہرجانے پر غور شروع کر دیا ہے۔
پیر کو وائٹ ہاؤس میں معمول کی نیوز بریفنگ کے دوران صدر ٹرمپ نے کہا کہ "ہم موجودہ صورتِ حال سے خوش نہیں ہیں۔ کیوں کہ ہم سمجھتے ہیں کہ کرونا وائرس کی وبا کو پھیلنے سے روکا جا سکتا تھا۔"
صدر ٹرمپ نے کہا کہ وہ چین سے خوش نہیں ہیں۔
انہوں نے چین کا نام لیے بغیر کہا کہ ذمہ داروں کا احتساب کرنے کے لیے بہت سے طریقے موجود ہیں۔
ایک جرمن اخبار نے حال ہی میں اپنے ایڈیٹوریل میں چین سے کہا ہے کہ وہ کرونا وائرس کے باعث جرمنی کی معیشت کو پہنچنے والے نقصان کے ازالے کے لیے 165 بلین ڈالر ہرجانہ ادا کرے۔
صدر ٹرمپ سے جب جرمن اخبار کے اس مطالبے سے متعلق سوال کیا گیا کہ کیا امریکہ بھی ایسا مطالبہ کر سکتا ہے؟ جس پر صدر ٹرمپ نے کہا کہ ہم اس کے مقابلے میں کہیں زیادہ آسان کام کر سکتے ہیں۔
انہوں نے کہا کہ جتنی رقم کا تقاضہ جرمنی کر رہا ہے اس کے مقابلے میں ہم کئی گنا زیادہ رقم کی بات کر رہے ہیں۔