رسائی کے لنکس

logo-print

تیسرا ٹیسٹ: پاکستان کے خلاف سری لنکا کی پوزیشن مضبوط

update

فائل فوٹو

میزبان ٹیم نے جب اپنی دوسری اننگز کا آغاز کیا تو پاکستانی باؤلروں نے اوپر تلے تین بلے بازوں کو پویلین کی راہ دکھا دی

سری لنکا کی ٹیم ابتدائی طور پر مشکلات سے دوچار رہنے کے بعد سنبھلنے میں کامیاب ہو گئی ہے اور میچ کے تیسرے دن کھیل کے اختتام تک اس نے پانچ وکٹوں کے نقصان پر 228 رنز بنا کر پاکستان کے خلاف اپنی برتری کو 291 رنز تک پہنچا دیا۔

پالیکیلے میں کھیلے جانے والے تیسرے اور آخری ٹیسٹ میچ میں تیسرے دن کا کھیل جب شروع ہوا تو پاکستان کے عمران خان کو حریف باؤلر نے کوشال نے بولڈ کر دیا اور یوں مہمان ٹیم 215 رنز پر ڈھیر ہوگئی۔

اس اننگز میں پاکستان کی طرف سے سرفراز احمد 78 اور اظہر علی 52 رنز کے ساتھ نمایاں بلے باز رہے۔

سری لنکا کی طرف سے پرساد، پردیپ اور کوشال نے تین تین وکٹیں حاصل کیں۔

میزبان ٹیم نے جب اپنی دوسری اننگز کا آغاز کیا تو پاکستانی باؤلروں نے اوپر تلے تین بلے بازوں کو پویلین کی راہ دکھا دی، پہلی وکٹ 12 رنز پر گری جب راحت علی نے کرونا رنتے کو بولڈ کیا۔

دوسرے آؤٹ ہونے والے کھلاڑی سلوا تھے جو صرف تین رنز بنا کر احسان عادل کی گیند پر آؤٹ ہوئے۔ تھریمانے بغیر کوئی رن بنائے راحت علی کی گیند پر بولڈ ہوئے۔

تھرنگا اور کپتان اینجلو میتھیوز نے ذمہ داری سے کھیلتے ہوئے ٹیم کی پوزیشن کو بہتر کرنے کی کوشش کی لیکن جلد ہی تھرنگا بھی صرف دو رنز کے فرق سے نصف سینچری بنائے بغیر آؤٹ ہوگئے۔

پانچویں آؤٹ ہونے والے کھلاڑی مباراک تھے جنہوں نے 35 رنز اسکور کیے۔

پاکستان کی طرف سے یاسر شاہ اور راحت علی نے دو، دو جب کہ احسان عادل نے ایک وکٹ حاصل کی۔

تیسرے دن کا کھیل جب ختم ہوا تو میتھیوز 77 اور کنڈیمل 39 رنز پر کھیل رہے تھے۔

اتوار کو بھی باہر کی وجہ سے کھیل متاثر ہوا اور دو بار کچھ دیر کے لیے میچ روکنا پڑا۔

اس وقت تک تین ٹیسٹ میچوں کی سیریز ایک، ایک سے برابر ہے۔

XS
SM
MD
LG