رسائی کے لنکس

logo-print

ڈھاکہ میں کشتی ڈوبنے سے کم از کم 32 افراد ہلاک


بوڑی گنگا

بنگلہ دیش کے دارالحکومت ڈھاکہ کے قریب کشتی ڈوبنے سے کم از کم 32 افراد ہلاک ہوگئے جبکہ متعدد لاپتا ہیں۔

حادثہ پیر اور منگل کی درمیانی رات بوڑی گنگا دریا میں صدر گھاٹ بندر کے قریب پیش آیا، جب پانی کا بہائو تیز تھا۔ کشتی میں تقریباً 50 مسافر سوار تھے۔ امدادی کارکن غوطہ خوروں کی مدد سے لاپتا افراد کو تلاش کررہے ہیں۔

مقامی ذرائع ابلاغ نے امدادی کارکنوں کے حوالے سے بتایا کہ مارننگ شپ نام کی کشتی اس وقت ڈوبی جب وہ ایک تیز رفتار بڑی کشتی سے ٹکرا کر الٹ گئی۔

بنگلہ دیش میں کشتی ڈوبنے کے واقعات عام ہیں اور کبھی گنجائش سے زیادہ افراد سوار کرنا اور کبھی موسم کی خرابی وجہ بنتی ہے۔

فرانسیسی خبر رساں ادارے اے ایف پی کے مطابق امدادی کارکنوں نے کم از کم 30 لاشیں نکال لی ہیں جن میں کئی بچے شامل ہیں۔ بتایا جاتا ہے کہ مزید بیس مسافر لاپتا ہیں۔

XS
SM
MD
LG