رسائی کے لنکس

logo-print

نئی بالی ووڈ فلم میں دویا دتہ دکھائیں گی حنا ربانی کھر کی جھلک


ودیا دتہ نے ’ارادہ‘ میں اپنے کردار کے بارے میں بات کرتے ہوئے کہا کہ ”یہ صحیح ہے کہ میں حنا ربانی کھر کے گیٹ اپ میں دکھائی دوں گی۔ یہ ایک پنجابی لڑکی کا کردار ہے جو سچ کہنے میں نہیں ہچکچاتی اور بہت پرعزم ہے“

کراچی ... پاکستان اور بھارت کے درمیان ثقافتی رابطوں کو بڑھاوا دینے میں بالی وڈ اہم کردار ادا کر رہا ہے۔ بہت سے پاکستانی آرٹسٹ بھارتی فلموں میں اپنی صلاحیتوں کا مظاہرہ کرتے ہیں۔ لیکن، اس بار کچھ مختلف ہونے والا ہے۔

پہلی بار ہالی وڈ کی کسی فلم میں پاکستانی سیاستدان کی جھلک دکھائی دے گی۔

بھارتی اخبار ’ٹائمز آف انڈیا‘ نے خبردی ہے کہ بالی وڈ اداکارہ دویا دتہ اپنی نئی فلم ’ارادہ‘ میں پاکستان کی سابق وزیر خارجہ حنا ربانی کھر کے گیٹ اپ میں جلوہ گر ہوں گی۔

دویا دتہ نے فلم ’ارادہ‘ میں رمن دیپ کے کردار کے لئے جو لباس، انداز، چال ڈھال اختیار کیا ہے وہ ہوبہو پاکستان کی پہلی خاتون وزیر خارجہ حنا ربانی کھر سے مشابہت رکھتا ہے۔

ودیا دتہ نے ’ارادہ‘ میں اپنے کردار کے بارے میں بات کرتے ہوئے کہا کہ”یہ صحیح ہے کہ میں حنا ربانی کھر کے گیٹ اپ میں دکھائی دوں گی۔ یہ ایک پنجابی لڑکی کا کردار ہے جو سچ کہنے میں نہیں ہچکچاتی اور بہت پرعزم ہے۔“

ان کا یہ بھی کہنا ہے کہ ”جب میں فلم کی شوٹنگ کے لئے پہلی مرتبہ حنا ربانی جیسے لباس، میک اپ اور چال ڈھال کے ساتھ سیٹ پر پہنچی تو وہاں موجود ہر شخص نے میرے اسٹائل اور گیٹ اپ کو بہت سراہا اور کہا کہ میں حنا ربانی کھر کی طرح لگ رہی ہوں۔“

حنا ربانی کھر 2011 سے 2013 تک پاکستان کی وزیر خارجہ رہ چکی ہیں۔ انہوں نے 2011 میں بھارت کا دورہ کیا تھا جس کے دوران ان کے ہیر اسٹائل، میک اپ اور ڈریسنگ کو بھارت میں بہت مقبولیت اور پذیرائی ملی تھی۔

XS
SM
MD
LG