رسائی کے لنکس

بھارتی روپیہ ڈالر کے مقابلے میں تاریخ کی کم ترین سطح پر


فائل فوٹو
فائل فوٹو

ڈالر کی مضبوط ہوتی ہوئی حیثیت ایشیا بھر کی کرنسیوں پر اثر انداز ہو رہی ہے۔

بھارتی روپیہ ڈالر کے مقابلے میں اپنی تاریخ کی کم ترین سطح پر پہنچ گیا ہے۔

بلوم برگ نیوز میں شائع ہونے والی ایک رپورٹ میں بتایا گیا ہے کہ جمعرات کے روز کاروبار میں ایک موقع پر ڈالر کے مقابلے میں بھارتی کرنسی کی قدر 69 روپے سے بھی زیادہ ہو گئی۔

بھارت بڑے پیمانے پر تیل درآمد کرنے والا ملک ہے اور اپنی ضروریات کا دو تہائی ایندھن درآمد کرتا ہے۔

پچھلے سال سے تیل کی قیمتوں میں مسلسل اضافہ ہو رہا ہے اور اس وقت خام تیل کی قیمت 78 ڈالر فی بیرل کے لگ بھگ ہے۔ جس کا مطلب یہ ہے کہ تیل کی ضروریات پوری کرنے کے لیے بھارت کو مزید زرمبادلہ کی ضرورت ہے۔

اس صورت حال سے بھارتی روپے پر دباؤ میں اضافہ ہوا ہے جس نے ان سرمایہ کاروں کو متاثر کیا ہے جو جنوبی ایشیا کی اس ابھرتی ہوئی منڈی میں آنا چاہتے ہیں۔

ڈالر کی مضبوط ہوتی ہوئی حیثیت بھی ایشیا بھر کی کرنسیوں پر اثر انداز ہو رہی ہے۔

جمعرات کے روز ہی انڈونیشیا کی کرنسی بھی ڈالر کے مقابلے میں اکتوبر 2015 کے بعد سے اپنی کم ترین سطح پر پہنچ گئی۔

XS
SM
MD
LG