رسائی کے لنکس

logo-print

پاکستانی دفتر خارجہ کا فائی کی گرفتاری پر اظہار تشویش


پاکستانی دفتر خارجہ نے کشمیری امریکی کونسل کے ایگزیکیٹو ڈائرکٹر ڈاکٹر غلام نبی فائی کی حراست پر پاکستان میں امریکی سفارت خانے سے اپنی تشویش کا اظہار کیا ہے۔

دفتر خارجہ کے ایک پریس ریلیز میں ڈاکٹر فائی اور کشمیری امریکی کونسل کی خدمات کو سراہتے ہوئے کہا گیا ہے کہ کشمیر امریکی کونسل مسئلہ کشمیر کو حل کرنے کے لیے سرگرم عمل ہے اور اس مقصد کو بدنام کرنے کی مہم اسکے برحق ہونے کو متاثر نہیں کرسکتی۔ بیان میں کہا گیا ہے کہ ڈاکٹر فائی ایک امریکی شہری ہیں۔

بیان کے مطابق پاکستان میں امریکی سفارت خانے کو ایک احتجاجی مراسلہ بھیجا گیا ہے جس میں خصوصا پاکستان کو بدنام کرنے کی مہم پر تشویش کا اظہار کیا گیا ہے۔

امریکی تحقیقاتی ایجنسی ایف بی آئی کے مطابق ڈاکٹر فائی کو 'فارن ایجنٹس رجسٹریشن ایکٹ' کی خلاف ورزی کے الزام میں گرفتار کیا گیا ہے۔

62 سالہ امریکی شہری ڈاکٹر فائی پر الزام عائد کیا گیا ہے کہ وہ اپنی تنظیم 'کشمیری امریکن کونسل' کےذریعے کشمیر کے متنازعہ خطے کے متعلق امریکی پالیسیوں پر اثر انداز ہونے کی غرض سے امریکی کانگریس اور وہائٹ ہائوس میں لابنگ کرتے رہے ہیں جس کے عوض وہ 90ء کی دہائی کے وسط سے پاکستانی حکومت سے سالانہ 7لاکھ ڈالرز تک وصول کر رہے تھے۔

XS
SM
MD
LG