رسائی کے لنکس

logo-print

شدید سیلابی ریلوں کے سامنے تھائی لینڈ بے بس


شدید سیلابی ریلوں کے سامنے تھائی لینڈ بے بس

تھائی لینڈ میں حکام نے کہا ہے کہ دارالحکومت بینکاک کی طرف بڑھنے والے سیلابی ریلوں کو مزید وقت کے لیے روکنا اس کے بس سے باہر ہوتا جا رہا ہے۔

جمعرات کو ملک کی نو منتخب وزیراعظم ینگ لگ شیناوترا نے ایک بیان میں کہا ہے کہ اُنھوں نے متعلقہ عہدیداروں کو ہدایت کی ہے کہ وہ پانی کے اخراج کے دروازوں کو کھول دیں تاکہ بینکاک کی نہروں سے بہہ کر سیلابی پانی سمندر تک پہنچ سکے۔

لیکن تھائی حکام اس بے یقینی کا شکار ہیں کہ کہیں سیلابی پانی نہروں کی سطح سے بلند ہو کر شہر میں داخل نا ہو جائے، اس سے قبل دارالحکومت بینکاک کے مشرقی مضافاتی علاقے میں ایسی صورت حال کے باعث تباہی پھیل چکی ہے۔

بعض علاقوں میں دوکانداروں نے ممکنہ سیلابی ریلوں سے بچاؤ کے لیے اپنی مارکیٹوں کے باہر ریت کی بوریاں رکھ دی ہیں۔

تھائی لینڈ کو گذشتہ پانچ دہائیوں کے دوران اس قدر بدترین سیلاب کا سامنا کبھی نہیں کرنا پڑا اور اس سے اب تک 320 افراد ہلاک اور نوے لاکھ متاثر ہو چکے ہیں۔

XS
SM
MD
LG