رسائی کے لنکس

logo-print

امریکہ وزیر دفاع کی ایشیا سیکیورٹی کانفرنس میں شرکت


امریکہ وزیر دفاع کی ایشیا سیکیورٹی کانفرنس میں شرکت

امریکہ اور چین کے دفاع سے متعلق سربراہوں نے جمعے کے روز کہا کہ دونوں ممالک کے فوجی تعلقات میں کچھ پیش رفت ہوئی ہے اور وہ مثبت سمت آگے بڑھ رہے ہیں۔

امریکی وزیر دفاع رابرٹ گیٹس اور ان کے چینی ہم منصب جنرل لیانگ گوانگ لی نے یہ بیان جمعے کو سنگاپور میں دیا جہاں ان کے درمیان شنگریلا ڈائیلاگ سیکیورٹی کانفرنس کے آغاز سے قبل مذاکرات ہوئے۔

امریکہ کے وزیر دفاع کی حیثیت سے گیٹس ایشیاسیکیورٹی سربراہی کانفرنس میں پانچویں اور آخری بار شرکت کررہے ہیں۔

اتوار تک جاری رہنے والی اس کانفرنس میں 27 ممالک کے وفود شریک ہیں۔

اس سے قبل گیٹس نے جاپان کے وزیر دفاع اور ملائیشیا کے وزیر اعظم سے ملاقات کی تھی۔ انہوں نے سنگاپور کے وزیر دفاع نگ اینگ سے مذاکرات کیے جنہوں نے ایشیا میں امریکہ کی مسلسل موجودگی ، سیکیورٹی خطرات کی روک تھام کے لیے تعاون اور علاقائی سیکیورٹی میں اضافے پر واشنگٹن کی حمایت کی۔

XS
SM
MD
LG