رسائی کے لنکس

logo-print

دوسری جنگ عظیم کا بم پھٹنے سے تین افراد ہلاک


دوسری جنگ عظیم کا بم پھٹنے سے تین افراد ہلاک


جرمنی میں پولیس کا کہنا ہے کہ ملک کے وسطی شہر گوئٹ ٹن جین میں دوسری جنگ عظیم میں گرایا جانے والا ایک بم ناکارہ بنائے جانے کے دوران پھٹ گیا جس سے تین ماہرین ہلاک اور ان کی مدد کرنے والے چھ افراد زخمی ہو گئے ہیں۔

یہ واقعہ منگل کورات گئے ایک زیر تعمیر اسٹیڈیم میں پیش آیا جہاں یہ 1,000 کلوگرام وزنی بم کھدائی کے دوران زمین کی سطح سے تقریباً سات میٹر نیچے دریافت ہوا تھا۔

1939ء سے 1945ء کے دوران لڑی گئی دوسری جنگ عظیم میں اتحادیوں کی جانب سے جرمنی پر شدید بمباری کی گئی تھی اور یہاں کسی بھی وجہ سے نا پھٹنے والے بموں کا ملنا ایک عام بات ہے۔

XS
SM
MD
LG