رسائی کے لنکس

logo-print

جرمنی میں جوہری بجلی گھروں کے خلاف مظاہرہ


جرمنی میں جوہری بجلی گھروں کے خلاف مظاہرہ

جاپان میں زلزلے کے بعد جوہری توانائی کے ری ایکٹروں کو پہنچنے والے ممکنہ نقصانات کے پیش نظر جرمنی میں ہزاروں افراد نے جوہری توانائی پر انحصار بڑھنانے کے حکومتی منصوبوں کے خلاف احتجاج کیا۔

منتظمین کا کہنا تھاکہ ہفتے کے روز ہزاروں جرمن باشندوں نے جوہری تنصیب نیکارویس تھیم اور جنوبی شہر سٹوٹگارڈتک ، جو ایک صنعتی مرکز بھی ہے،45 کلومیٹر لمبی انسانی زنجیر بنائی۔

اس مظاہرے میں پرجوش افراد نے حکومت کے پچھلے سال کے اس فیصلے کے خلاف نعرے لگائے کہ وہ اوسطاً اگلے مزید 12 سال تک اپنے 17 جوہری بجلی گھروں کو زیر استعمال رکھے گی۔

ہفتے روزحزب اختلاف کی اہم تنظیم سوشل ڈیموکریٹس نے جاپان کے جوہری ری ایکٹر کے حادثے کو بنیاد بناتے ہوئے جرمنی کی جوہری پالیسی بدلنے کا مطالبہ کیا۔

جرمنی کی چانسلر آنگلا مرخیل جوہری توانائی کے حق میں ہیں۔

XS
SM
MD
LG