رسائی کے لنکس

logo-print

یونانی حکومت کو نادہندگی کا خطرہ


یونان کے وزیر اعظم لوکس پاپادیموس

یونانی وزیر اعظم لوکس پاپادیموس اپنی حکومت کو دیوالیہ ہونے سے بچانے کے لیے سیاسی اتحادیوں پر زور دے رہے ہیں کہ وہ امدادی اقتصادی پیکج کی حمایت کریں۔

یونان کے وزیر خزانہ نے حکومت کو متنبہ کیا ہے کہ اس کے پاس دوسرا اقتصادی منصوبہ پیش کرنے کے لیے صرف اتوار کی شب تک کا وقت ہے۔

اس انتباہ کے تناظر میں مسٹر پاپادیموس نے متعلقہ حکام کا ہنگامی اجلاس بلا لیا ہے۔

اس سے قبل یورو زون کے وزراء نے یونان کو متنبہ کیا تھا کہ اگر اقتصادی اصلاحات کا ثبوت پیش نا کیا گیا تو وہ اس کو رقوم کی فراہمی بند کر دی جائے گی۔

یونان 32 مالیاتی اداروں سے حاصل کردہ قرضوں کے بوجھ میں 50 فیصد (130 ارب ڈالر) کمی کی کوششیں کر رہا ہے جو تاحال کامیاب نہیں ہو سکی ہیں۔

اس کے ساتھ ہی وہ بین الاقوامی مالیاتی ادارے ’آئی ایم ایف‘ اور یورو کرنسی استعمال کرنے والے 16 دوسرے ملکوں سے 169 ارب ڈالر مالیت کے ایک نئے پیکج کی منظوری کا بھی خواہاں ہے۔

XS
SM
MD
LG