رسائی کے لنکس

logo-print

برطانوی وزیر خارجہ شام پر سخت ردعمل کے حامی


وزیر خارجہ ولیم ہیگ

ولیم ہیگ کا کہنا تھا کہ وہ شام میں صدر بشار الاسد کی حکومت کو زہریلی گیسوں کے استعمال کے سے روکنے کے لیے مجوزہ امریکی فضائی کارروائی کی حمایت کرتے ہیں۔

برطانیہ کے وزیر خارجہ ولیم ہیگ نے پارلیمنٹ کی طرف سے شام کے خلاف فوجی کارروائی کو مسترد کیے جانے کے باوجود کہا ہے کہ وہ سمجھتے ہیں کیمیائی ہتھیاروں کے استعمال پر شام کے خلاف سخت ردعمل کا اظہار کیا جانا چاہیے۔

اتوار کو ان کا کہنا تھا کہ ’’ اکیسویں صدی میں کیمیائی ہتھیاروں کا استعمال ایک ایسا شر ہے جس کے خلاف ہمیں کھڑا ہونا پڑے گا۔‘‘

برطانوی وزیر خارجہ کا کہنا تھا کہ وہ شام میں صدر بشار الاسد کی حکومت کو زہریلی گیسوں کے استعمال کے سے روکنے کے لیے مجوزہ امریکی فضائی کارروائی کی حمایت کرتے ہیں۔

ادھر امریکہ کے وزیر جان کیری نے اتوار کو لندن روانگی سے قبل پیرس میں عرب لیگ کے عہدیداروں سے ملاقات کی۔ ان کا کہنا تھا کہ شام کی حکومت کی طرف سے کیے جانے والے حملے پر اسے ذمہ دار ٹھہرائے جانے کی بین الاقوامی حمایت میں اضافہ ہو رہا ہے۔

امریکہ شام پر دارالحکومت دمشق کے قریب گزشتہ ماہ ہونے والے ایک حملے میں کیمیائی ہتھیاروں کے استعمال کا الزام عائد کرتے ہوئے اس کے خلاف فوجی کارروائی کا ارادہ رکھتا ہے۔ شام ان الزامات کو مسترد کر چکا ہے۔

فرانس امریکی موقف کی تائید کرتے ہوئے اسے اپنی حمایت کا یقین دلا چکا ہے۔
XS
SM
MD
LG