رسائی کے لنکس

logo-print

ہیٹی کے جج کی جانب سے دس امریکیوں کو بری کرنے کی سفارش


اُنھیں حالیہ زلزلے کےبعد اجازت نامے کے بغیر بچوں کو ملک سے باہر لے جانے کی کوشش کے الزام میں حراست میں لیا گیا تھا

ہیٹی کے جج کا کہنا ہے کہ وہ اُن دس امریکی مِشنریوں کو رہا کرنے کی سفارش کرنے والے ہیں جِنھیں حالیہ زلزلے کےبعد اجازت نامے کے بغیر بچوں کو ملک سے باہر لے جانے کی کوشش کے الزام میں حراست میں لے لیا گیا تھا۔

جج برنارڈ سینٹ نے جمعرات کے روز کہا کہ اُنھوں نے ایسی سفارش استغاثے کو بھجوا دی ہے، جسے وہ قبول کریں گے یا مسترد کریں گے۔ استغاثہ کا جو بھی استفسار ہو، فیصلے کا حتمی اختیار جج کوہی حاصل ہے۔

چار مردوں اور چار خواتین کو 29جنوری کو اُس وقت گرفتار کر لیا گیا تھا جب وہ ضروری دستاویزات کے بغیر ہیٹی کے 33 بچوں کو ڈومنیکن ری پبلک لے جانے کی کوشش کر رہے تھے۔

مِشنریوں کا کہنا ہے کہ وہ ہمسایہ ملک میں یتیم خانہ کھولنا چاہتے تھے۔

گروپ کے خلاف لگنے والے الزامات میں بچوں کی تجارت اور مجرمانہ سازش شامل ہیں، جِن کے تحت اُنھیں لمبے عرصے تک جیل کی سزا ہوسکتی ہے۔

XS
SM
MD
LG