رسائی کے لنکس

logo-print

بھارت اور آسیان ممالک باہمی تجارت میں 40 فی صد اضافہ کرنا چاہتے ہیں


بھارت اور آسیان ممالک باہمی تجارت میں 40 فی صد اضافہ کرنا چاہتے ہیں

بھارت اور دس ممالک پر مشتمل آسیان تنظیم معیشتوں کو قریب لانے کے لیے منصوبہ بندی کررہے ہیں جس کا مقصد2012ء تک باہمی تجارت میں 40 فی صد اضافہ کرنا ہے۔

بھارت کے وزیر تجارت انند شرما نے بدھ کے روز کہا ان کوششوں کا مقصد ایشیائی ممالک کو عالمی معیشت میں زیادہ اہم کردار دلانا ہے۔

شرما نے نامہ نگاروں سے کہا کہ انہیں توقع ہے کہ آئندہ چند عشروں میں دنیا کی پانچ بڑی معیشتوں میں سے تین کاتعلق ایشیا سے ہوگا۔

بھارت اور جنوب مشرقی ایشیائی ملکوں کی تنظیم کے درمیان 2010ء میں تجارت کا حجم 50 ارب ڈالر تھا۔ جب کہ انہوں نے اگلے سال کے لیے اس کا ہدف 70 ارب ڈالر مقرر کیا ہے۔

بھارت اور آسیان کے عہدے دار نئی دہلی میں پانچ روزہ بھارت آسیان بزنس فیئر کے موقع پر ملاقاتیں کررہے ہیں۔

آسیان کے رکن ممالک میں برونائی، کمبوڈیا، انڈونیشیا، لاؤس، ملائیشیا، برما ، فلپائن ، سنگاپور، تھائی لینڈ اور ویت نام شامل ہیں۔

XS
SM
MD
LG