بھارت اور بنگلہ دیش میں سمندری طوفان 'ایمفان' سے بچنے کے لیے بڑے پیمانے پر عوامی اںخلا جاری ہے۔ طوفان بدھ کی شام بھارتی ریاست مغربی بنگال اور بنگلہ دیش کے ساحلی علاقوں سے ٹکرائے گا۔
سپر سائیکلون سے بچنے کے لیے لاکھوں افراد کا انخلا
5
بھارتی و بنگلہ دیشی حکام کا کہنا ہے کہ اب تک پانچ لاکھ سے زائد افراد کو محفوظ مقامات پر منتقل کیا جا چکا ہے۔ طوفان گزشتہ رات خلیج بنگال میں داخل ہوا تھا جس کے نتیجے میں تیز ہوائیں چلنا شروع ہو گئی ہیں جب کہ موسلادھار بارشوں کا سلسلہ بھی جاری ہے۔
6
دونوں ممالک میں طوفان سے قبل ساحلی علاقوں میں آباد مکینوں کو علاقہ خالی کرنے کا کہا جا رہا ہے جس کے لیے بلدیہ کا عملہ میگا فون پر مسلسل اعلان کر رہا ہے۔
7
بھارتی محکمہ موسمیات نے پیش گوئی کی ہے کہ طوفان کے وقت سمندری لہروں کی اونچائی 10 سے 16 فٹ بلند ہو سکتی ہے۔
8
بھارت کے محکمۂ موسمیات کی ایک اور پیش گوئی کے مطابق طوفان سے ریاستی شہر کولکتہ کو سب سے زیادہ نقصان پہنچنے کا خدشہ ہے جہاں لوگوں کی ایک بڑی تعداد نہایت قدیم اور بوسیدہ 1500 عمارتوں میں رہائش پذیر ہیں۔