رسائی کے لنکس

logo-print

بھارتی کمپنی کی طرف سے امریکہ کو مہلک دوا کی فراہمی بند


بھارتی کمپنی کی طرف سے امریکہ کو مہلک دوا کی فراہمی بند

بھارت کی ایک دوا ساز کمپنی نے امریکی جیلوں کو اُس دوا کی فراہمی بند کر دی ہے جسے مجرمان کی سزائے موت پر زہریلے ٹیکے کے ذریعے عمل درآمد میں استعمال کیا جاتا ہے۔

ممبئی میں قائم ’کیم فارماسوٹیکل‘ نے کہا ہے کہ کمپنی نے یہ فیصلہ اس معاملے کی حساس نوعیت اور ”ہندو معاشرے سے متعلق سماجی اخلاقیات“ کو مدد نظر رکھتے ہوئے کیا ہے۔

اس اقدام سے قبل بھارتی کمپنی ’سوڈیم تھیوپینٹل‘ نامی دوا امریکی ریاستوں نیبراسکا اور ساؤتھ ڈیکوٹا کے حکام کو فراہم کیا کرتی تھی۔

بھارتی کمپنی کی طرف سے امریکہ کو مہلک دوا کی فراہمی بند
بھارتی کمپنی کی طرف سے امریکہ کو مہلک دوا کی فراہمی بند

سوڈیم تھیوپینٹل اُن تین ادویات میں شامل ہے جنھیں مہلک ٹیکوں میں استعمال کیا جاتا ہے۔ سوڈیم تھیوپینٹل تیار کرنے والی واحد امریکی کمپنی کی طرف سے اس کی پیداوار روکنے کے بعد اس دوا کی فراہمی میں کمی واقع ہو گئی تھی جس کی وجہ سے کم از کم سات امریکی ریاستوں کو اس کے حصول کے لیے بیرون ملک کمپنیوں سے رابطہ کرنا پڑا۔

کئی ریاستوں میں سوڈیم تھیوپینٹل کی عدم دستیابی کی وجہ سے مجرمان کی سزائے موت پر عمل درآمد موخر بھی کیا گیا ہے۔

XS
SM
MD
LG