رسائی کے لنکس

logo-print

سنجے دت دوبارہ جیل منتقل


عدالت میں پیشی کے وقت سنجے کو میڈیا اور پرستاروں نے گھیر رکھا ہے

رواں سال مارچ میں عدالت نے کی اپنے فیصلے میں ان کی ضمانت مسترد کرتے ہوئے ان کی سزا چھ سے پانچ سال کر دی تھی۔

بھارت کے معروف فلمی اداکار سنجے دت غیر قانونی اسلحہ رکھنے کے جرم میں اپنی بقیہ سزا پوری کرنے کے لیے ممبئی کی عدالت میں پیش ہوئے جہاں سے انھیں جیل میں منتقل کردیا گیا۔

سنجے دت کو 1993ء میں ممبئی بم دھماکوں میں ملوث افراد سے اسلحہ خریدنے کے الزام میں 2006ء میں چھ سال قید کی سزا سنائی گئی تھی لیکن 18 ماہ جیل میں رہنے کے بعد انھیں ضمانت پر رہا کر دیا گیا تھا۔

رواں سال مارچ میں عدالت نے کی اپنے فیصلے میں ان کی ضمانت مسترد کرتے ہوئے ان کی سزا چھ سے پانچ سال کر دی تھی۔

سنجے دت کو عدالت نے زیر تکمیل فلموں کو جلد از جلد مکمل کرنے کے لیے چار ہفتوں کی مہلت دی تھی۔ بھارتی اداکار نے حالیہ دنوں میں مزید مہلت کی استدعا کی تھی لیکن عدالت نے اس مسترد کردیا تھا۔

خود پر لگائے گئے الزامات سے انکار کرتے ہوئے سنجے دت نے کہا تھا کہ انھوں نے یہ ہتھیار اپنے خاندان کے تحفظ کے لیے خریدے تھے۔

عدالت نے انھیں بم دھماکوں میں ملوث ہونے کے الزام سے تو بری کردیا تھا لیکن غیر قانونی اسلحہ رکھنے کے جرم میں انھیں سزا سنائی تھی۔
XS
SM
MD
LG