رسائی کے لنکس

logo-print

احمدی نژاد اور حزب اللہ کے رہنما کی شام میں ملاقات


لبنان کی عسکریت پسند تنظیم حزب اللہ کے سربراہ نے شام میں ایران کے صدر محمود احمدی نژاد سے ملاقات کی ہے۔

جمعرات کی شام اس ملاقات کے کچھ حصے شامی ٹیلی ویژن پر دکھائے گئے۔

شام عرب خبر رساں ادارے نے کہا ہے کہ دونوں رہنماؤں کی ملاقات شام کے صدر بشار الاسد کی طرف سے دیے گئے عشائیے میں ہوئی۔ حزب اللہ کے ’المنار‘ ٹیلی ویژن چینل نے خبر دی ہے کہ احمدی نژاد اور حسن نصر اللہ نے خطے میں رونما ہونے والی تازہ ترین تبدیلیوں اور لبنان اور شام کو اسرائیل کی طرف سے لاحق خطرے پر تبادلہٴ خیال کیا۔

اس سے قبل اسی مہینے ایران کے سرکاری میڈیا نے اطلاع دی تھی کہ صدر احمدی نژاد نے حزب اللہ کی حمایت کا عزم کر رکھا ہے اور حزب اللہ کو تلقین کی ہے کہ اگر جنگ چھڑ جائے تو وہ اسرائیل کا ہمیشہ کے لیے خاتمہ کر دے۔

XS
SM
MD
LG