رسائی کے لنکس

logo-print

جوہری تنصیبات کی مزید نگرانی پر ایران کی رضا مندی


ایران کی جوہری تنصیب

مغربی سفارت کاروں کا کہنا ہے کہ ایران ایٹمی توانائى کی بین الاقوامی ایجنسی کو ایران میں یورینیم کو افزودہ کرنے کے مقامات کی مزید نگرانی کی اجازت دینے پر رضامند ہوگیا ہے۔

عہدے داروں نے اُن کے نام ظاہر نہ کرنے کی شرط کے ساتھ جمعے کے روز خبر رساں ایجنسیوں کو یہ بات بتائى ہے۔

ایران نے فوری طور پر اس کی تصدیق نہیں کی۔

جمعرات کے روز امریکی نائب صدر جو بائیڈن نے کہا تھا کہ انہیں توقع ہے کہ اقوامِ متحدہ ایران کے جوہری پروگرام کی بنا پر اگلے مہینے کے شروع میں اُس ملک کے خلاف پابندیوں کی نئى قِسط عائد کردے گی۔

امریکہ اور اُس کے اتحادیوں کا خیال ہے کہ ایران خفیہ طور پر جوہری اسلحہ تیار کرنے کی کوشش کررہا ہے۔ لیکن ایران کا اصرار ہے کہ اُس کا جوہری پروگرام صرف پُر امن غیر فوجی مقاصد کے لیے ہے۔

XS
SM
MD
LG