رسائی کے لنکس

ایران شام میں برقی نظام بحال اور نئے بجلی گھر تعمیر کرے گا


دمشق کے قریب واقع الزبدانی قصبے کی تباہ حال عمارتیں اور بجلی کے ٹوٹے ہوئے پول۔ جون 2017
دمشق کے قریب واقع الزبدانی قصبے کی تباہ حال عمارتیں اور بجلی کے ٹوٹے ہوئے پول۔ جون 2017

شام کی حکومت نے منگل کے روز ایران کی ایک کمپنی کے ساتھ ایک معاہدے پر دستخط کیے ہیں جس کے تحت وہ جنگ سے تباہ حال شہر حلب کے لیے گیس سے چلنے والے پانچ بجلی گھر فراہم کرے گی۔

اس معاہدے سے یہ ظاہر ہوتا ہے کہ ایران مستقبل میں شام کی تعمیر نو اور بحالی میں اہم کردار ادا کرے گا۔

شام کے سرکاری خبررساں ادارے ثنا کی ایک رپورٹ میں کہا گیا ہے کہ یہ معاہدہ شام کے بجلی کے وزیر زہیر خربوطلی کے تہران کے دورے کے موقع طے پانے والے وسیع تر اتفاق رائے کے نتیجے میں طے پایا ہے ۔

رپورٹ میں کہا گیا ہے کہ ایرانی کمپنیوں کو شام میں بجلی کے نظام کی بحالی اور انفراسٹرکچر کے ٹھیکے دیے جائیں گے۔

حلب کا ٹھیکہ ایک ایرانی کمپنی مبنا کو دیا گیا ہے جس کی مالیت 13 کروڑ یورو کے لگ بھگ ہے۔

بجلی کے وزیر خربوطلی نے ایران کے وزیر توانائی ستار محمودی کے ساتھ ایک یاداشت پر بھی دستخط کیے ہیں جس میں ساحلی صوبے لاذقیہ کے لیے 540 میگا واٹس کے بجلی گھر فراہم کرنے کے لیے کہا گیا ہے۔

یاداشت میں کہا گیا ہے کہ ایران دیرالزور اور حمص کے بجلی گھروں کو بحال اور شمسی اور ونڈ پاور کے نئے بجلی گھر نصب کرے گا۔

XS
SM
MD
LG