رسائی کے لنکس

logo-print

مشرقی یروشلم میں اسرائیلی محافظ کے ہاتھوں فلسطینی ہلاک


اسرائیلی پولیس نے بتایا ہے کہ مشرقی یروشلم کے علاقے سِلوان میں بدھ کے روز ایک اسرائیلی محافظ نے یہودی بستیوں کے خلاف احتجاج میں شریک ایک فلسطینی شہری کو گولی مار کر ہلاک کر دیا۔

حکام کا کہنا ہے کہ کار میں سوار محافظ نے گولی اُس وقت چلائی جب کچھ مظاہرین نے ان کی گاڑی کو گھیرے میں لے کر اس پر پتھراؤ شروع کر دیا۔ فائرنگ سے دو فلسطینی مظاہرین زخمی بھی ہوئے۔

اس واقعے کے بعد مقامی افراد اور پولیس کے درمیان جھڑپوں میں کئی افراد کے زخمی ہونے کی بھی اطلاع ہے۔

حکام کے مطابق سِلوان میں حالیہ ہفتوں کے دوران یہودی بستیوں کی مجوزہ تعمیر کے معاملے پر کشیدگی میں اضافہ ہوا ہے۔

اسرائیل نے مغربی کنارے سے ملحقہ مشرقی یروشلم پر 1967ء کی جنگ کے دوران قبضہ کر لیا تھا۔

XS
SM
MD
LG