رسائی کے لنکس

logo-print

اٹلی نے ایران کو اسلحہ سمگل کرنے والے ٹولے کو ختم کردیا


گرفتارشدگان میں میں پانچ اٹلی کے شہری اور دو ایرانی ہیں اور خیال ہے کہ وہ ایران کی خفیہ ایجنسی کے ایجنٹ ہیں

اٹلی نے سات افراد کو گرفتار کرکے اسلحہ کے سمگلروں کے اُس ٹولے کو ختم کردیا ہے جو ایران کو ہتھیار بھیج رہا تھا۔

پولیس نے بدھ کے روز کہا ہے کہ گرفتارشدگان میں میں پانچ اٹلی کے شہری اور دو ایرانی ہیں اور خیال ہے کہ وہ ایران کی خفیہ ایجنسی کے ایجنٹ ہیں۔ پانچ اور مشتبہ ایرانی باور کیا جاتا ہے کہ اٹلی سے فرار ہوگئے ہیں۔

دہشت گردی کے خلاف مقدموں کے لیے مخصوص وکیلِ استغاثہ ارمانڈو سپاٹارو نے کہا ہے کہ ”نشانہ باز“ نامی کارروائى کے دوران ان افراد کی گرفتاری ایک ایسی چھان بین کے بعد عمل میں آئى ہے ، جس میں اٹلی، برطانیہ، سؤئیٹزر لینڈ اور رومانیہ کے حکام بھی شامل تھے۔

سپاٹارو نے کہا ہے کہ ان سمگلروں نے ایران کو اسلحہ فراہم کرنے پر بین الاقوامی پابندی کے باوجود اٹلی سے تیسرے ملکوں کے راستے ایران کو ہتھیار بھجوائے تھے۔

حکام نے کہا ہے کہ ان گرفتاریوں نے سمگلروں کے ایران کو زیادہ جدید اور اہم ہتھیار سمگل کرنے کے منصوبوں کو ناکام بنا دیا ہے۔

XS
SM
MD
LG