رسائی کے لنکس

logo-print

جاپان کا ایران پر پابندیوں کا اعلان


ایران کو جوہری ہتھیار بنانے سے باز رکھنے کے لیے اقوام متحدہ کی ایک قرارداد پر عمل کرتے ہوئے جاپان نے تہران پر پابندیاں لگا نے کا اعلان کیا ہے اور کہا ہے کہ آنے والے دنوں میں مزید ایسے تادیبی اقدامات کیے جائیں گے۔

جاپانی وزیر اعظم ناٹو کان کی کابینہ نے یہ اعلان ایک ایسے وقت کیا ہے جب جوہری عدم پھیلاؤ اور اسلحہ کے کنٹرول سے متعلق امریکی وزارت خارجہ کے خصوصی مشیر رابرٹ اینھوم مشرقی ایشائی ملکو ں کے دورے کے سلسلے میں ٹوکیوکا دورہ کرنے والے ہیں۔

اقوام متحدہ کی پابندیوں کا ہدف 40 ایرانی ادارے اور ایک انفرادی شخص ہے جو مشتبہ طور پر جوہری ہتھیاروں اور میزائلوں کی تیاری میں ملوث ہیں۔

جاپانی حکومت کے ایک ترجمان نے کہا ہے کہ امریکہ اور یورپی ملکو ں کی طرح اُن کا ملک اپنے طور پر بھی ایران کے خلاف پابندیوں کی ایک فہرست تیار کرر ہا ہے جو اس ماہ مکمل کر لی جائے گی۔

یورپی ملکوں کے وزرائے خارجہ نے اقوام متحدہ کی حالیہ قرارد ادسے ہٹ کر گذشتہ ہفتے تہران کے خلاف پابندیاں لگانے کا اعلان کیا تھا جن کا ہدف ایران کی تیل و گیس کی صنعتیں تھیں۔

امریکہ اور یورپی یونین کا الزام ہے کہ ایران جوہری ہتھیار بنا رہا ہے ۔ لیکن ایران کا کہنا ہے کہ اُس کا جوہری پروگرام پُر امن مقاصد کے لیے ہے۔

XS
SM
MD
LG