رسائی کے لنکس

logo-print

جنوب مشرقی ایشیا کے لیے جاپان کا اربوں ڈالر امداد کا اعلان


وزیراعظم شنزو ابے

اس امداد کو خطے کے ممالک میں ترقی کے فرق کو کم کرنے میں معاونت اور سکیورٹی معاملات کو بہتر کرنے کے لیے استعمال کیا جائے گا۔

جاپان نے جنوب مشرقی ایشیائی ممالک کے لیے آئندہ پانچ سالوں میں 19 ارب ڈالر امداد دینے کا اعلان کیا ہے جس کا مقصد خطے کے ممالک سے تعلقات کو فروغ دینا ہے۔

یہ اعلان وزیراعظم شنزو ابے نے ہفتہ کو ٹوکیو میں آسیان کی کانفرنس کے دوران کیا۔ دس رکنی جنوب مشرقی ایشیائی ممالک کی تنظیم کا یہ اجلاس جاپان کے ساتھ تعلقات کی چالیسویں سالگرہ کے موقع پر منعقد کیا گیا۔

اس امداد کو خطے کے ممالک میں ترقی کے فرق کو کم کرنے میں معاونت اور سکیورٹی معاملات کو بہتر کرنے کے لیے استعمال کیا جائے گا۔

جمعہ کو ٹوکیو نے ایشیائی اقتصادی منڈیوں کے استحکام میں مدد کے لیے انڈونیشیا اور فلپائن کے ساتھ کرنسی کے تبادلے کو مزید وسعت دینے اور ایسے کئی دیگر معاہدوں پر رضا مندی ظاہر کی تھی۔

جاپان کے ان اقدامات کا مقصد خطے میں اپنے تعلقات کو چین کے ساتھ علاقائی تنازعات کے تناظر میں وسعت دینا ہے۔
XS
SM
MD
LG