رسائی کے لنکس

logo-print

کراچی میں کالعدم تنظیموں کےمشتبہ ارکان گرفتار


کراچی میں کالعدم تنظیموں کےمشتبہ ارکان گرفتار

پاکستان کے سب سے بڑے شہر کراچی کی پولیس نے ہدف بنا کر قتل کرنے اور تشدد کے دیگر واقعات میں ملوث ہونے کے الزام میں آٹھ مشتبہ افراد کو گرفتار کرکیا ہے۔

پولیس حکام نے ذرائع ابلاغ کے نمائندوں کو بتایا کہ شہر کے مختلف حصوں سے حراست میں لیے گئے ان افراد کا تعلق کالعدم تنظیموں سے ہے اور وہ قتل کے علاوہ کئی دوسرے جرائم میں ملوث رہے ہیں۔

مقامی ذرائع ابلاغ کے مطابق ان میں سے چار مشتبہ افراد کی گرفتاری پر حکام نے مجموعی طور پر 40 لاکھ روپے کے انعام کا اعلان کر رکھا تھا۔

پولیس ان گرفتاروں کو کراچی میں امن و امان کے قیام کی کوششوں میں اہم پیش رفت قرار دے رہی ہے۔

گذشتہ سال شہر میں ہدف بنا کر قتل کرنے کے درجنوں واقعات پیش آئے تھے جس کے بعد دو اہم سیاسی جماعتوں، متحدہ قومی موؤمنٹ اور عوامی نیشنل پارٹی، کے عہدیداروں کی طرف سے ایک دوسرے پر کارکنان کو نشانہ بنانے کے الزامات بھی عائد کیے گئے۔

XS
SM
MD
LG