رسائی کے لنکس

logo-print

مظفر آباد کے قریب گاڑی کھائی میں گرنے سے 14 سیاح ہلاک


فائل فوٹو

پاکستان کے زیر انتظام کشمیر کے دارالحکومت مظفر آباد کے قریب سیاحوں کی ایک گاڑی گہری کھائی میں گرنے سے کم ازکم 14 افراد ہلاک اورپانچ زخمی ہو گئے ہیں۔ حکام کے مطابق مسافرسیاح وادی نیلم جارہے تھے کہ دیولیاں کے مقام پر گاڑی کھائی میں گر گئی۔

وین میں 22 سیاح سوار تھے ، حادثے کے بعد سول اور فوجی اہلکاروں نے امدادی کارروائیاں شروع کردیں اور بعض زخمیوں کو مظفرآباد کے ہسپتال میں منتقل کر دیا گیا۔

پاکستانی کشمیر کے پہاڑی علاقوں میں اس سے قبل ایسے حادثات ہو چکے ہیں اور ان کی وجہ تیزرفتاری بتائی جاتی ہے۔

حادثے کے بارے میں پاکستانی کشمیر کے وزیر اطلاعات سردار فاروق طاہر نے وائس آف امریکہ کو بتایا کہ جس شاہراہ پر یہ حادثہ پیش آیا وہ انتہائی دشوارگزار ہے اور خستہ حال ہے۔ اُنھوں نے بتایا کہ اس سڑک کی کشادگی اور مرمت کا کام جاری ہے۔

سردار فاروق طاہر نے بتایا کہ دوسرے علاقوں سے کشمیر کے اس حصے میں آنے والے ڈرائیورشاہراوں کی صورت حال سے آگا ہ نہیں ہو تے جس کے باعث ایسے حادثات پیش آتے ہیں ۔

پاکستان کے زیرانتظام کشمیرمیں ہر سال ہزاروں سیاح وادی نیلم سمیت دیگر سیاحتی مقامات کا رُخ کرتے ہیں۔

XS
SM
MD
LG