رسائی کے لنکس

خشوگی کے مبینہ قتل کی مزید تفصیلات سامنے آگئیں


جمال خشوگی، ڈیوس میں ورلڈ اکنامک فورم کے موقع پر اپنے سیل فون پر کسی سے گفتگو کر رہے ہیں۔ فائل فوٹو
جمال خشوگی، ڈیوس میں ورلڈ اکنامک فورم کے موقع پر اپنے سیل فون پر کسی سے گفتگو کر رہے ہیں۔ فائل فوٹو

ترک میڈیا کے مطابق سعودی ایجنٹ خشوگی سے سوال جواب کرنے کے ساتھ ساتھ ان پر سفاکانہ تشدد بھی کر رہے تھے جس دوران ان کی انگلیاں کاٹ دی گئیں۔

امریکی اخبار نیویارک ٹائمز میں شائع ہونے والی ایک رپورٹ میں بتایا گیا ہے کہ 2 اکتوبر کو جب صحافی جمال خشوگی استنبول کے سعودی قونصلیٹ میں داخل ہوا تو وہاں 15 سعودی ایجنٹ پہلے سے ہی اس کے منتظر تھے اور انہوں نے منٹوں کے اندر اسے ہلاک کر ڈالا۔ سفاک ایجنٹوں نے اس کا سر کاٹا اور جسم کے ٹکڑے ٹکڑے کیے اور اپنا کام مکمل کرنے کے بعد وہ دو گھنٹوں کے اندر قونصلیٹ کی عمارت سے چلے گئے۔

ایک سینئر ترک عہدے دار نے بدھ کے روز بتایا کہ قونصلیٹ کی آڈیو ریکارڑنگ سے کئی چیزوں کی نشاندہی ہوتی ہے۔ مثلاً یہ کہ ہلاک کرنے سے پہلے خشوگی پر شديد تشدد کیا گیا اور ان کی انگلیاں تک کاٹ دی گئیں۔

ترک پولیس خشوگی کی تحقیقات کے سلسلے میں استبول میں سعودی قونصلیٹ کے گھر میں داخل ہو رہی ہے۔ 17 اکتوبر 2018
ترک پولیس خشوگی کی تحقیقات کے سلسلے میں استبول میں سعودی قونصلیٹ کے گھر میں داخل ہو رہی ہے۔ 17 اکتوبر 2018

ترک میڈیا کے مطابق سعودی ایجنٹ خشوگی سے سوال جواب کرنے کے ساتھ ساتھ ان پر سفاکانہ تشدد بھی کر رہے تھے جس دوران اس کی انگلیاں کاٹ دی گئیں۔

جمال خشوگی ایک عرصے سے امریکی ریاست ورجینیا میں رہ رہے تھے اور واشنگٹن پوسٹ سے وابستہ تھے۔ وہ اپنی تحریروں میں سعودی حکمرانوں پر سخت نکتہ چینی کرتے تھے، جس کی وجہ سے سعودی حکومت ان سے ناراض تھی۔

واشنگٹن میں سعودی سفارت خانے کے باہر خشوگی کی گمشدگی کے خلاف مظاہرہ۔ 10 اکتوبر 2018
واشنگٹن میں سعودی سفارت خانے کے باہر خشوگی کی گمشدگی کے خلاف مظاہرہ۔ 10 اکتوبر 2018

خشوگی اپنی بیوی کی طلاق کے کاغذات بنوانے کے لیے استنبول میں سعودی قونصلیٹ گئے تھے تاکہ وہ اپنی گرل فرینڈ سے شادی کر سکیں۔ ترکی کے سفر میں خشوگی کی گرل فرینڈ بھی ان کے ساتھ تھی اور وہ قونصلیٹ کے دروازے تک ان کے ساتھ آئی۔ قونصلیٹ میں جاتے ہوئے وہ اپنا موبائل فون اپنی گرل فرینڈ کو دے گئے۔

گرل فرینڈ کا کہنا ہے کہ انہوں نے گیارہ گھنٹوں تک خشوگی کی واپسی کا انتظار کیا اور اس کے بعد وہ واپس آ گئی۔

سعودی قونصلیٹ نے مسلسل یہ اصرار کیا کہ انہیں نہیں معلوم کہ خشوگی کہاں چلا گیا۔

سی سی ٹی وی فوٹیج میں خشوگی کو استنبول میں سعودی قونصلیٹ میں جاتے ہوئے دیکھا جا سکتاہے۔ لیکن وہ باہر نہیں نکلے۔ 2 اکتوبر 2018
سی سی ٹی وی فوٹیج میں خشوگی کو استنبول میں سعودی قونصلیٹ میں جاتے ہوئے دیکھا جا سکتاہے۔ لیکن وہ باہر نہیں نکلے۔ 2 اکتوبر 2018

ان کی گمشدگی پر دنیا بھر میں شور اٹھا اور بالآخر سعودی عرب کو ترک تفتیش کاروں کو قونصلیٹ کی تلاشی کی اجازت دینے پر مجبور ہونا پڑا۔

ایک ترک عہدے دار نے نیویارک ٹائمز کو تصدیق کی کہ آڈیو ریکارڑنگ میں قونصلیٹ کے عہدے دار کو یہ کہتے سنا جا سکتا ہے کہ یہ کام باہر جا کر کرو۔ تم مجھے مصیبت میں ڈال دو گے۔

آڈیو میں ایک ایجنٹ کا یہ جملہ بھی سنا جا سکتا ہے کہ اگر تم واپس سعودی عرب جا کر رہنا چاہتے ہو تو اپنا منہ بند رکھو۔

آڈیو سے یہ بھی اندازہ ہوتا ہے کہ خشوگی کو قونصلیٹ کے اندر ایک دوسرے کمرے کی جانب زبردستی دھکیلا گیا۔ اس دوران اس نے مزاحمت کی جس پر اسے کسی نامعلوم چیز کا انجکشن لگایا گیا۔

استنبول ایئرپورٹ کی سی سی ٹی وی فوٹیج۔ جس پر ترکی زبان میں لکھا ہے کہ 9 افراد ای گیٹ سے داخل ہوئے۔ 2 اکتوبر 2018
استنبول ایئرپورٹ کی سی سی ٹی وی فوٹیج۔ جس پر ترکی زبان میں لکھا ہے کہ 9 افراد ای گیٹ سے داخل ہوئے۔ 2 اکتوبر 2018

خبروں میں بتایا گیا ہے کہ ریاض سے استنبول آنے والی سعودی ایجنٹوں کی ٹیم کے ساتھ ایک ڈاکٹر بھی تھا۔ جس نے خشوگی کا سر کاٹ کر الگ کیا۔ اس کے جسم کے ٹکڑے ٹکڑے کیے اور پھر سعودی ٹیم کو یہ ہدایت دی کہ وہ اپنا تناؤ کم کرنے کے لیے میوزک سنیں۔ ڈاکٹر نے خود ہیڈ فون لگایا ہوا تھا۔

ایک صحافی نے اپنی رپورٹ میں بتایا ہے کہ ڈاکٹر نے جب خشوگی کا جسم کاٹنا شروع کیا تو وہ اس وقت تک زندہ تھا۔

تاہم سعودی مسلسل یہ کہہ رہے ہیں کہ انہیں کچھ علم نہیں ہے کہ خشوگی کہاں ہے اور اس کے ساتھ کیا ہوا۔

XS
SM
MD
LG