رسائی کے لنکس

logo-print

خوست میں گورنر ہاؤس کے قریب دھماکا


خوست میں گورنر ہاؤس کے قریب دھماکا

افغانستان کے صوبہ خوست میں جمعرات کے روز گورنر ہاؤس کے احاطے کے قریب بم دھماکے میں اطلاعات کے مطابق قائم مقام گورنر سمیت متعدد سرکاری عہدیدار زخمی ہو گئے ہیں۔ حکام نے دھماکے کی نوعیت جاننے کے لیے تفتیش شروع کر دی گئی ہے۔

مشرقی صوبے خوست کی سرحدیں پاکستان سے ملتی ہیں اور تقریباً ایک ہفتہ قبل اس علاقے میں امریکی ”سی آئی اے“ کے زیر استعمال اڈے پر خودکش حملے میں ادارے کے سات اہلکارہلاک ہو گئے تھے، مرنے والوں میں ”سی آئی اے“ کی ٹیم کی سربراہ (Elizabeth Hanson) الزبتھ ہینسن بھی شامل تھیں۔

جمعرات کو شائع ہونے والی خبروں کے مطابق القائدہ کے ایک کمانڈر نے دعویٰ کیا ہے کہ ”سی آئی اے “کے اڈے پر حملہ، ڈرون حملوں میں ہلاک ہونے والی القائدہ کی دو اہم شخصیات اور پاکستانی طالبان کمانڈر بیت اللہ محسود کی ہلاکت کا بدلہ لینے کے لیے کیا گیا ہے۔

XS
SM
MD
LG