رسائی کے لنکس

logo-print

نیٹو حملے میں قذافی حکومت کے زیر استعمال عمارت تباہ


نیٹو حملے میں قذافی حکومت کے زیر استعمال عمارت تباہ

لیبیا کے دارالحکومت طرابلس میں صدر معمر قذافی کی حکومت کے زیر استعمال عمارتوں پر مبینہ طور پر نیٹو کے فضائی حملے میں کم از کم ایک عمارت تباہ اور چار افراد زخمی ہو گئے۔

حکام نے بتایا ہے کہ تباہ ہونے والی عمارت میں وزارتی اور دیگر اہم اجلاس منعقد کیے جاتے تھے۔

اتوار کی نصف شب کے کچھ دیر بعد طرابلس میں زوردار دھماکوں کی آوازیں سنی گئیں جن کے بعد تین سرکاری ٹی وی چینلز سے نشریات کچھ وقت کے لیے بند ہو گئیں۔

اس سے قبل سرکاری فوج نے باغیوں کے زیر قبضہ مغربی شہر مصراتہ پر بڑی تعداد میں راکٹ داغے اور یہ کارروائی لیبیا کے اس تیسرے بڑے شہر میں باغیوں کے خلاف آپریشنز بند کرنے کے سرکاری اعلان کے باوجود کی گئی۔

نیٹو حملے میں قذافی حکومت کے زیر استعمال عمارت تباہ
نیٹو حملے میں قذافی حکومت کے زیر استعمال عمارت تباہ

سرکاری افواج نے گذشتہ دو ماہ سے مصراتہ کا محاصرہ کر رکھا ہے اور شدید گولہ باری اور فائرنگ کے دوران سینکڑوں افراد ہلاک ہو چکے ہیں۔

مصراتہ میں ڈاکٹروں کا کہنا ہے کہ صرف ہفتہ کے بعد ہونے والی لڑائی میں کم از کم 32 افراد مارے گئے ہیں۔

XS
SM
MD
LG