رسائی کے لنکس

logo-print

ملالہ کا پورٹریٹ نیلامی کے لیے پیش


فائل فوٹو

نیلامی کیلئے پیش کیے جانے والے اس پورٹریٹ میں پاکستانی نوجوان طالبہ ملالہ یوسفزئی کو کتاب پڑھتے ہوئے دکھایا گیا ہے

پاکستان میں خواتین کی تعلیم کے لیے آواز اٹھانے والی نوجوان طالبہ ملالہ یوسفزئی کا ایک پورٹریٹ برطانیہ میں نیلامی کیلئے پیش کردیا گیا ہے۔

یہ پورٹریٹ لندن کی 'نیشنل پورٹریٹ گیلری' میں نیلامی کیلئے رکھا گیا ہے۔ پورٹریٹ میں ملالہ یوسفزئی کو کتاب پڑھتے ہوئے دکھایا گیا ہے۔

آرٹسٹ جوناتھن کو امید ہے کہ ان کا بنایا ہوا ملالہ کا یہ پورٹریٹ 36 سے 48 ہزار پاونڈ میں نیلام ہوجا ئے گا جس کی ڈالر میں قیمت 60 سے 80 ہزار ڈالر بنتی ہے۔

آرٹسٹ کا کہنا ہے کہ ملالہ کے پورٹریٹ سے حاصل ہونے والی رقم ملالہ کی جانب سے قائم کردہ تعلیمی فنڈ اور لڑکیوں کی تعلیم کے فروغ کے لیے مختص کی جائے گی۔

واضح رہے کہ 2012ء میں پاکستان کے شمالی ضلع سوات میں ملالہ کو تعلیم کیلئے آواز اٹھانے کی پاداش میں شدت پسندوں نے سر میں گولی مارکر زخمی کردیا تھا جس کے بعد وہ اور ان کے اہلِ خانہ برطانیہ منتقل ہوگئے تھے۔

ملالہ کو فروغِ تعلیم کے لیے ان کی خدمات کے اعتراف میں بین الاقوامی 'چلڈرن پیس ایوارڈ' سے بھی نوازا گیا ہے جبکہ گزشتہ برس انہیں نوبیل انعام برائے امن کیلئے بھی نامزد کیا گیا تھا۔
XS
SM
MD
LG