رسائی کے لنکس

logo-print

میکسیکو میں مغوی سیاحوں کی تلاش جاری


میکسیکو میں مغوی سیاحوں کی تلاش جاری

میکسیکو میں حکام کا کہنا ہے کہ وہ اُن 20 مقامی سیاحوں کی تلاش کر رہے ہیں جنھیں ریاست جیریرو کے علاقے ایکاپلکو سے اغواء کر لیا گیا ہے۔

حکام کے مطابق یہ سیاح جمعرات کو موریلیا شہر سے ایکاپلکو کی طرف سفر کر رہے تھے جب ایک مسلح گروپ نے انہیں اغواء کر لیا۔ اغواء کاروں کی شناخت اور مغویوں کی حالت کے بارے میں اب تک کوئی اطلاع سامنے نہیں آئی ہے۔

جیریرو اُن کئی ریاستوں میں سے ایک ہے جہاں میکسیکو کی حکومت نے پرتشدد واقعات کی روک تھام کے لیے ہزاروں کی تعداد میں فوجی تعینات کر رکھے ہیں۔ ان علاقوں میں جاری تشدد کا ذمہ دار منشیات کا کاروبار کرنے والے گروپوں کو ٹھہرایا جاتا ہے۔

XS
SM
MD
LG