رسائی کے لنکس

logo-print

لوڈشیڈنگ کے خلاف مظاہرہ کرنے والوں پر پولیس کا لاٹھی چارج


لوڈشیڈنگ کے خلاف مظاہرہ کرنے والوں پر پولیس کا لاٹھی چارج

حکام کے مطابق پاکستان کے زیر انتظام کشمیر کے جنوبی شہر میر پور میں پولیس نے ہزاروں افراد کو بدھ کے روز لوڈشیڈنگ کے خلاف احتجاج کرنے والوں کو منگلا ڈیم پاور ہاؤس کی جانب بڑھنے سے روکنے کے لیے لاٹھی چارج اور آنسو گیس کا استعمال کیا جب کہ مظاہرین کی طرف سے پولیس پر پتھراؤ کیا گیا جس سے پولیس افسران سمیت 20افراد زخمی ہوئے۔

میر پور کے ڈپٹی کمشنر طیب ذیشان نے واقعے کے بارے میں وائس آف امریکہ کو بتایا کہ مظاہرین نے سرکاری گاڑیوں اور بجلی کے محکمے کے دفاتر کو آگ لگادی۔

واضح رہے کہ پاکستان کا دوسرا بڑا ڈیم منگلا میرپور میں واقع ہے اور حکومت پاکستان کی طرف سے پانی کو ذخیرہ کرنے کی گنجائش بڑھانے کے لیے اس ڈیم کی اونچائی میں اضافہ کیا جارہا ہے جس سے 10ہزار کے لگ بھگ لوگ متاثر ہوئے ہیں۔

مظاہرین کا مئوقف ہے کہ حکومت یہاں سے بجلی پیدا کرکے دیگر علاقوں میں سپلائی کررہی ہے جب کہ میرپور میں 16گھنٹے کی لوڈشیڈنگ کی جارہی ہے جسے فوری طور پر ختم کیا جائے۔

XS
SM
MD
LG