رسائی کے لنکس

logo-print

انسانی حقوق کی تنظیم نے لاپتا چینی وکیل کا سراغ لگا لیا


امریکہ میں قائم انسانی حقوق کے ایک گروپ نے کہا ہے کہ سینئر عہدے داروں نے بتایا ہے کہ ایک سال سے بھی زیادہ عرصے سے لاپتا ایک وکیل ملک کے انتہائی مغرب میں واقع شہر اورمچی میں کام کررہاہے۔

اتوار کے روز دوئی ہوا فاؤنڈیشن نےایک مختصر بیان میں کہا کہ واشنگٹن میں قائم چینی سفارت خانے نےتنظیم کو بتایا ہے کہ گاؤ زی شنگ، شورش زدہ علاقے سنکیانگ کے دارالحکومت میں کام کررہاہے۔

گاؤ کو، جو چین میں خفیہ مسیحیوں اور کالعدم روحانی تنظیم فالن گانگ کا دفاع کر چکے ہیں، چار فروری 2009ء کو اغوا کیا گیاتھا۔ اس کے بعد سے ان کے بارے میں کوئی اطلاع نہیں ملی تھی۔

دوئی ہوا فاؤنڈیشن نے کہا ہے کہ گاؤ کی اہلیہ کا اپنے شوہر سے کوئی رابطہ نہیں ہوا ہے۔ ان کا خاندان ان کے لاپتا ہونے سے پہلے چین سے فرار ہوگیا تھا۔ ان کے خاندان کو امریکہ نے پناہ گزین کے طورپر قبول کرلیا تھا۔

انسانی حقوق کی تنظیم نے کہاہے کہ وہ بیجنگ سے یہ چاہتی ہے کہ وہ گاؤ کی صورت حال کے بارے میں مزید معلومات فراہم کرے۔

XS
SM
MD
LG