عید کے دن کے حوالے سے مشہور ہے کہ عید بچوں کی ہوتی ہے۔ اس کی خوشیاں صحیح طور پر بچے ہی انجوائے کرتے ہیں۔ بچوں کا تعلق کسی بھی ملک، کسی بھی شہر سے ہو اس دن کے حوالے سے سب کی پسند تقریباً یکساں ہوتی ہیں۔ مثلاً غبارے خریدنا، چشمے پہننا، جھولے جھولنا اور کھلونے خریدنا۔ لیکن اس بار یہ خوشیاں کرونا وائرس کی پابندیوں کی نذر ہو گئی ہیں۔
بچوں کی عید کی خوشیاں کرونا کی نذر
1
بچوں کے لیے عید کے دن کی سب سے بڑی خوشی جھولے جھولنا ہوتی ہے۔ وہ اپنی عیدی کا ایک بڑا حصہ جھولوں پر خرچ کرتے ہیں۔ کابل ہو یا پشاور، کراچی ہو یا لاہور۔۔۔ تمام شہروں میں عید کے دن بچوں کا یہ پسندیدہ مشغلہ ہے۔
2
لبنان میں کرونا وائرس کے خوف کے سبب بچوں کے لیے قائم تفریحی پارک ویران رہے۔ والدین نے بچوں کو گھروں سے نکلنے ہی نہیں دیا اور بچوں نے گھروں میں قید رہتے ہوئے عید کا دن گزارا۔
3
کرونا وائرس اور اس کے پیشِ نظر عائد پابندیوں کی وجہ سے تفریحی مقامات عوام کے لیے بند ہیں جس کی وجہ سے بچوں نے عید کی خوشیاں گھروں پر بھی منائیں۔
4
لندن میں مقیم ایک مسلم گھرانا لیپ ٹاپ سے عید کیک کی تصویر بنا رہا ہے۔ عید میں کیک اور مٹھائی نہ صرف شوق سے کھائی جاتی ہے بلکہ اسے دوست احباب میں تقسیم بھی کیا جاتا ہے۔