رسائی کے لنکس

logo-print

جنرل اسمبلی میں شرکت کے لیے نواز شریف کی نیو یارک آمد


وہ اپنی باقاعدہ سرگرمیوں کا آغاز منگل كو صبح نو بجے اقوامِ متحدہ كی جنرل اسمبلی كے اجلاس كی افتتاحی تقریب میں شركت سے کریں گے

وزیرِ اعظم نواز شریف اقوامِ متحدہ كی جنرل اسمبلی كے سالانہ اجلاس میں شركت كرنے كے لیے مقامی وقت كے مطابق شام سات بجے خصوصی طیارے کے ذریعے نیو یارک پہنچ گئے ہیں۔

نواز شریف كی سرگرمیوں كا باقاعدہ آغاز منگل كو صبح نو بجے اقوامِ متحدہ كی جنرل اسمبلی كے اجلاس كی افتتاحی تقریب میں شركت سے ہوگا۔

بعد میں وزیرِ اعظم نواز شریف منگل ہی کو جنرل اسمبلی كے سالانہ اجلاس کی کارروائی سے باہر تیونس كے صدر محمد حنیف مارزوكی سے ملاقات کریں گے۔

وزیر اعظم توانائی كے شعبوں میں تعاون پر بات چیت كرنے كے لیے سہہ فریقی اجلاس میں ناروے كے وزیرِ اعظم اور ڈینمارک كے وزیر برائےعالمی ترقی سے ملیں گے۔

اس كے علاوہ، پروگرام کے مطابق، نواز شریف ایرانی صدر حسن روحانی، چینی وزیرِ خارجہ وینگ یی اور بل اینڈ ملنڈا گیٹس فاونڈیشن كے شریک چیرمین بل گیٹس سے بھی ملیں گے۔
XS
SM
MD
LG