رسائی کے لنکس

logo-print

نواز شریف کی جانب سے اورلینڈو واقعے کی مذمت


پاکستان کے وزیر اعظم میاں محمد نواز شریف نے اورلینڈو نائٹ کلب پر فائرنگ کے واقعے کی سخت الفاظ میں مذمت کرتے ہوئے اسے مسلمانوں کی اکثریتی سوچ کے منافی قرار دیا ہے۔

ان کا کہنا ہے کہ بے گناہ انسانوں کاقتل انسانیت کے خلاف ہے ، ایسی دہشت گردانہ کارروائیاں مسلمانوں کی اکثریت کی سوچ کے منافی ہیں۔

وزیراعظم نے واقعے میں ہلاک اورزخمی ہوجانے والے افراد کے لواحقین سے ہمدردی کا اظہار کرتے ہوئے کہا کہ انہیں عوامی نمائندہ ہونے کی حیثیت سے اورلینڈو میں پیش آنے والے واقعے پر دکھ ہے۔

وزیراعظم کا مزید کہنا تھا کہ جمہوری معاشرے میں بے گناہ مرد،عورت اوربچے سوچ کی بنا پر قتل نہیں کیے جاسکتے اسی لئے انہوں نے انتہاپسندی کے خاتمے کاعزم کررکھا ہے۔

XS
SM
MD
LG