رسائی کے لنکس

نیویارک کے مرکزی علاقے میں زیر زمین بھاپ پائپ لائن پھٹنے سے دھماکے


سن 2007 میں نیویارک کے مرکزی حصے میں ایک زیر زمین بھاپ پائپ لائن پھٹنے کے بعد امدادی کاررائیاں جاری ہیں۔
سن 2007 میں نیویارک کے مرکزی حصے میں ایک زیر زمین بھاپ پائپ لائن پھٹنے کے بعد امدادی کاررائیاں جاری ہیں۔

نیویارک شہر کے فائر ڈپارٹمنٹ نے کہا ہے کہ مین ہیٹن کی گلیوں میں زیر زمین گزرنے والا ایک ہائی پریشر بھاپ کا پائپ پھٹ گیا جس کے نتیجے میں ففتھ ایونیو کے مرکز میں واقع ایک سوراخ سے بھاپ نکل کر ہوا میں پھیلنا شروع ہو گئی۔

عہدے داروں کا کہنا ہے کہ جمعرات کی صبح ہونے والے اس دھماکے سے کسی کے زخمی ہونے کی اطلاع نہیں ملی۔

اطلاعات کے مطابق احتیاطی تدابیر کے پیش نظر حادثے کے مقام کےارد گرد کی گلیاں بند کر دی گئیں۔

مقامی میڈیا نے ایک گلی کے وسط میں بڑے سوراخ کی فوٹیج دکھائی ہیں۔ خبروں میں بتایا گیا ہے علاقے میں ایک اور مین ہول میں بھی دھماکے سنے گئے ہیں۔

دھماکے کے مقام پر ہنگامی سروسز کے اہل کار ملبہ صاف کر رہے ہیں اور یہ جاننے کی کوشش کر رہے ہیں کہ دھماکوں کا اصل سبب کیا ہے۔

نیویارک میڈیا کا کہنا ہے کہ یہ دھماکہ گیارہ سال پہلے گرینڈ سنٹرل اسٹیشن کے قریب اسی نوعیت کے دھماکوں کے بعد ہوا ہے۔

18 جولائی سن 2007 میں ٹرین اسٹیشن کے قریب 83 سال پرانا ایک زیر زمین بھاپ کا پائپ پھٹنے سے ملبے کے ٹکڑے 40 منزلہ عمارت تک ہوا میں بلند ہوئے تھے اور علاقے میں گارے کا مینہ برسنا شروع ہو گیا تھا۔

XS
SM
MD
LG