رسائی کے لنکس

logo-print

ویتنام سے تعلق رکھنے والے مزدوروں پر پابندی


ویتنام سے تعلق رکھنے والے مزدوروں پر پابندی

جنوبی کوریا نے ویتنام سے مزدوروں کا ملک میں داخلہ بند کر دیا ہے کیوں کہ ایسے افراد کی بڑی تعداد ویزے کی میعاد ختم ہونے کے بعد رو پوش ہو چکی ہے۔

عہدے داروں نے بتایا کہ سیول ویتنام کے باشندوں کو کوریائی زبان کے امتحان میں بیٹھنے کی اجازت نہیں دے رہا جو عارضی مزدوروں کو جنوبی کوریا میں داخلے کی اجازت حاصل کرنے کے لیے لازمی قرار دیا گیا ہے۔

سال 2004ء اور 2005ء کے دوران 4,000 سے زائد ویتنامی مزدور جنوبی کوریا میں داخل ہوئے اور متعلقہ پروگرام کے تحت انھیں چھ سال تک ملک میں رہنے کی اجازت تھی، لیکن مقررہ مدت کے اختتام پر ان میں سے تقریباً 50 فیصد ہی اپنے وطن واپس لوٹے ہیں۔

جنوبی کوریا کے عہدے داروں کا کہنا ہے کہ نئے امیدواروں کو اُس وقت تک کوریائی زبان کے امتحان میں بیٹھنے کی اجازت نہیں دی جائے گی جت تک غیر قانونی مزدوروں کی تعداد کم نہیں ہو جاتی۔

XS
SM
MD
LG