رسائی کے لنکس

logo-print

راکٹ کی ناکامی کا اعتراف


شمالی کوریا نے جمعہ کو علی الصباح چھوڑے گئے راکٹ کے مدار میں پہنچنے میں ناکامی کا اعتراف کر لیا ہے۔

ٹیلی ویژن پر معمول کی نشریات روک کر اعلان کیا گیا کہ زمین کے مشاہدے کے لیے چھوڑا گیا سیارہ مدار میں نہیں پہنچ سکا اور ماہرین اس ناکامی کے اسباب جاننے کی کوشش کر رہے ہیں۔

سیول، ٹوکیو اور واشنگٹن میں حکام کا کہنا ہے کہ شمالی کوریا کا راکٹ تنصیب سے چھوڑے جانے کے بعد زیادہ فاصلہ طے نہیں کر سکا۔

امریکی فوجی عہدے داروں کا کہنا ہے کہ یہ دراصل ٹائپو ڈونگ دوم میزائل تھا۔ اُنھوں نے کہا کہ سیٹلائیٹ کی مدد سے اس میزائل کی نشاندہی ہوئی تھی جس کا پہلا حصہ بحیرہ زرد میں گرا۔

نارتھ امریکن ایرواسپیس ڈیفنس کمانڈ کا کہنا ہے کہ میزائل کے بقیہ دو حصے بھی پرواز جاری نا رکھ سکے تاہم یہ کبھی کسی خطرے کا باعث نہیں بنے۔

XS
SM
MD
LG